Православный календарь 17 Ноября, (4 Ноября ст.ст.)
Ноябрь 16th 2010 -
Православный календарь 17 Ноября, (4 Ноября ст.ст.)
Преподобный Иоанникий Великий (846).
Сщмчч. Никандра, еп. Мирского, и Ермея пресвитера (I).
Святой Николай Виноградов пресвитер (1931).
Сщмч. Александра пресвитера (1937).
Сщмч. Исмаила пресвитера (1941).
Преподобный Меркурий, постник Печерский, в Дальних пещерах (XIV).
Преподобный Никандр Городноезерский (XVI).
Блаженный Симон Юрьевецкий(1584).
Свт. Павла, митр. Тобольского (1770).
Св. Сильвии, матери свт. Григория Двоеслова.
Мч. Порфирия лицедея, Кесарийского (Греч.).
Св. имп. Иоанна Ватаксиса, Милостивого (Греч.).
Святые праведные Иоанн, Стефан и Исаия(Груз.).
Св. Клефера пустынника Корнвальского.
Св. Бирнстана еп. Винчестерского.
Молитвы
Прп. Иоанникия. Тропарь, глас 8.
Слез твоих теченьми пустыни безплодное возделал еси,/ и, иже из глубины воздыханьми, во сто трудов уплодоносил еси,/ и был еси светильник вселенней,/ сияя чудесы, Иоанникие, отче наш:/ моли Христа Бога спастися душам нашим.
Слава сщмчч. Никандра, глас 4.
Мученик Твой, Господи, Никандр,/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами/ спаси души наша.
Кондак прп. Иоанникия, глас 8.
Звезда явился еси всесветлая, в мире О просвещали/ и сущия во мраце страстей облиставаяй,/ врач же крепчайший явился еси,/ но яко приял еси благодать исцелений,/ просящим тя подаждь исцеление, да зовем:/ радуйся, отче Иоанникие.
Блж. Симона Юрьевецкого. Тропарь, глас 8.
Яко воистинну гласа апостольскаго/ послушатель был еси, блаженне Симоне,/ Христа бо ради изволив имети буйство,/ в немже соблюл еси твоя к Богу добродетели, посреде молв некрадомы,/ терпением убо пачеестественным Христа подражав,/ посрамил еси льстиваго всю гордыню,/ тем и в лютых ранах, якоже древний Лазарь,/ в недра Авраамля преселился еси,/ идеже и ныне утешаяся, посещай град твой,/ почитающий любовию святую память твою.
Кондак, глас 4.
Возгоревся рачением Горним,/ жестрсть вольнаго юродства паче всех сладких мира предпочел еси,/ отонудуже повинуся ти огнь,/ от егоже запаления град твой Юрьевец избавил еси,/ и воды немокренно, яко по суху, прешел еси,/ и хотящия быти предрекл еси,/ прославльшу тя тако Богу,/ к Немуже моляся, и о нас, поющих тя,/ блаженне Симоне, поминай.
Прп. Меркурия, постника Печерского, в Дальних пещерах. Тропарь, глас 5.
Присносущныя, блаженне, желая сподобитися жизни, / праведне и непорочне / жизнь свою препроводил еси в нынешнем веце, / темже, Меркурие, желаемаго ты достиг, / моли и нам вечныя сподобитися жизни.
Кондак, глас 8.
Преподобному во всех делех Господеви преискренне работая,/ и Онаго всегда в церкви преподобных Своих/ преподобным воспевая гласом,/ наследил еси, преподобие Меркурие, часть преподобных,/ с нимиже молися о всех нас.
Свт. Павла, митр. Тобольского. Тропарь, глас 3.
Прославим, вернии, благочестие возлюбившаго/ и от юности иго Христово усердно восприимшаго,/ ревностнаго святителя Церкве Российския,/ в Богоспасаемом граде Тобольске подвизавшагося./ Ты же, Богомудре отче Павле,/ телом убо в нетлении почивая,/ духом же Престолу Божию предстоя,/ моли спастися всем нам.
Кондак, глас 8.
Звезду церковную, от Киево-Печерския Лавры возсиявшую/ и чрез Новград в Сибирскую страну достигшую,/ идеже ревностно служением своим сияющую,/ святителя почтим,/ Тобольския митрополии столетие венчавшаго:/ радуйся, отче Павле, всея Сибири чудотворче.
Святаго священноинока Григория. Тропарь, глас 4.
Божественную ти раку обстояще, премудре,/ зовем ти, преподобие:/ ко Владьще всех и Зиждителю молися/ избавити нас от бед,/ иже верою и любовию тебе/ душами и сердцы воспевающе достойно:/ слава ти, преподобие всеблаженне Григорие.
Кондак, глас 8.
Гордаго врага ты низложил еси/ пособием державне Божественнаго Духа/ и победу прием крепце,/ мученическим одеявся неувядаемым, венцем свыше, Богомудре, всеблаженне,/ сегоже ради зовем ти:/ радуйся, отче Григорие.