Акафист святому блаженному Павлу Таганрогскому
Март 22nd 2011 -
Акафист святому блаженному Павлу Таганрогскому
икона Павел Таганрогский
Кондак 1
Богоизбранный наставниче и кроткий воине Христов, в благочистивей дворянстей семье Павла и Параскевы рожденный, в таинстве Крещения в честь Павла Исповедника Павлом нареченный, величающе прославльшаго тя Господа, воспеваем ти похвальная. Ты же, от юности богообщением в молитвах освященный, от всяких нас бед свободи зовущих:
Радуйся, святый блаженный Павле Таганрогский, угодниче Христов и молитвенниче предивный.
Икос 1
Ангелов Творец посла тя, святый отче Павле, Православней Церкви в прославление: родительское благословение на житие подвижническое испросил еси, во исполнение воли Божией богатое наследство бедным людиям и церквам раздал еси, по святым местам в Соловецкий монастырь к праведному Артемию Веркольскому, в Киево-Печерскую и Почаевскую Лавры стопы свои направляяй, второю родиной град Таганрог избрал еси, подвиг простаго ревностнаго жития до скончания дней земных там совершаяй. Мы же, дивящеся таковому о тебе промышлению Вседержителя, с радостию вопием ти:
Радуйся, простаго образа богоугодней жизни украшение;
Радуйся, смирением и кротостию покрывший свое дворянское происхождение.
Радуйся, простой крестьянстей одежды любителю ношения;
Радуйся, простонародным языком непрестанное молитвы теплой Богу возношение.
Радуйся, на хлебных ссыпках таганрогских в поденных работах чистоту совести стяжавый;
Радуйся, из любви Христовой святой храм Божий каждый день неопустительно посещавый.
Радуйся, иконы, серебрянные лампады, свечи, елей от трудов твоих в жертву приносивый.
Радуйся, святый блаженный Павле Таганрогский, угодниче Христов и молитвенниче предивный.
Кондак 2
Видяще Господь чистоту помышлений сердца твоего, отче наш Павле, избра тя в оружие Свое в образ благочестиваго жития: ревностно потрудиться в храме Божием сподобил еси тя, в доме твоем вдов и девиц яко послушниц принимаяй, воздержанию, посту и всякой добродетели примером твоим научаяй. Да утверждаемые твоими молитвами и наставлениями с надеждею вопием Богу: Аллилуиа.
Икос 2
В соборе Успения Божией Матери на богослужениях в молитвах благодать Божию в изобилии стяжал еси, святче Божий, настоятеля протоиерея Иоанна видением Божиим удивляяй: в сияющем облачении, подобно архиерейскому, во время литургии дивно предстал еси пред ним, высокопреподобие твое ему открываяй. Мы же видяще Божие благословение на тебе с радостию вопием ти сице:
Радуйся, от юности ревнителю благочестия богоизбранный;
Радуйся, украсителю храмов Божиих отрадный.
Радуйся, душе своей внимавый;
Радуйся, уважение и любовь служащей братии обретый.
Радуйся, благородства духовнаго защитителю;
Радуйся, простоты и скромности, строгаго воздержания в пище ревнителю.
Радуйся, на всесильную благодать Божию упование;
Радуйся, огрубевших душ крестьянских врачевание.
Радуйся, святый блаженный Павле Таганрогский, угодниче Христов и молитвенниче предивный.
Кондак 3
Сила Вышняго подвижническое служение твое воистину определила еси, святый блаженный отче наш Павле, сон короткий на скамье ночию себе позволял еси, для молитвы время сохраняяй, собранные в келий твоей хлеб, маслины, чернослив, мед, лимоны братиям и сестрам во Христе раздавал еси, строго по пути спасительному направляяй. Мы же видяще попечения Божия сия, со умилением вопием Богу: Аллилуиа.
Икос 3
Благоволил еси Господь явити Своего светильника миру тебе, блаженне отче Павле, истины ведение и дар прозорливости, дар нищелюбия в душе твоей утвердил еси. Сего ради поем Богу:
Радуйся, богослужений храмовых ревнителю верный;
Радуйся, носителю духа кротости добропобедный.
Радуйся, народа Божия на базарах в вере укрепителю;
Радуйся послушания в доме твоем строгий насадителю.
Радуйся, благословения Божия искати на всякое дело Духом наученный;
Радуйся, светом небесным напоенный.
Радуйся, теплый о нас молитвенниче;
Радуйся, в молитвенном подвизе непоколебимый наставниче.
Радуйся, святый блаженный Павле Таганрогский, угодниче Христов и молитвенниче предивный.
Кондак 4
Тени злоречия не убоялся еси, святче Божий Павле, праздники церковные в молитвеннем подвизе и в тяготе плоти проводити призывал еси, ночи без сна проводяяй, с палкою в руках спящих блаженно со словами: А лыхо их батькови, духовно пробуждаяй. Мы же битву духовную зря, с радостию вопием Богу: Аллилуиа.
Икос 4
Видяще в душах чад твоих духовное нестроение, на молитву всех непрестанно призывал еси, гордость и самолюбие преодолеваяй и духовные благословения в наставление источаяй. Сего ради поем Богу:
Радуйся, чаще поклоны ложити Господу нашему Иисусу Христу чадам своим благословивый;
Радуйся, пяток почитати сугубо учивый.
Радуйся, воскреснаго дня и праздников церковных строгий почитателю;
Радуйся, спокойствию совести и чистоты душевней ревнителю.
Радуйся, читати акафисты Спасу и Пречистей Божией Матери любителю;
Радуйся, частого словословия святому образу Казанстей Божией Матери вершителю.
Радуйся, за усердие в молитвах и поклонах богомольцев бубликами и орешками, лимонами и франзолями угощавый;
Радуйся, в служении заказных обедень Сына Божия за грехи людей сугубо прославлявый.
Радуйся, святый блаженный Павле Таганрогский, угодниче Христов и молитвенниче предивный.
Кондак 5
Боготечная звезда, пастве земли Таганрогския сущим явился еси, отче наш Павле, милосердию святаго Спиридона подражал еси, о гонимем духовнике твоем иеромонахе Вениамине теплые молитвы возносил еси, к терпению и несению скорбей его призываяй и милосердие Божие ему открываяй. Мы же, верою узревши истину в смирении несения креста, с радостию вопием ти: Аллилуиа.
Икос 5
Узревши людии страны Таганрогския великаго тя благочестия защитителя, святый блаженный отче наш Павле, истинным рабом Божиим пред Богом пребыл еси, Господу святыми молитвами угождаяй, дары небесные стяжал еси, ко спасению овец Христовых напрявляяй. Тем же мы вси, таковому твоему боголюбию дивящеся, вопием ти:
Радуйся, подвижниче богопрославленный и дивный;
Радуйся, чадам духовным к святым отцам северней страны Зосиме и Савватию молитвами покрывавый путь длинный.
Радуйся, паломниц подаренными бурками от ледянаго града и стужи избавивый;
Радуйся, послушание превыше молитвы и поста утверждавый.
Радуйся, к чистоте духовней и к хранению преданности святому Православию призываеши;
Радуйся, о любви Христовой пред искушаемым народом Божиим незримо вещаеши.
Радуйся, по праздникам работати всем запрещаеши;
Радуйся, людиям молитися Богу, ходити в храм, чаще говети, возжигати лампады пред иконами непрестанно научаеши.
Радуйся, святый блаженный Павле Таганрогский, угодниче Христов и молитвенниче предивный.
Кондак 6
Проповедует святая Церковь подвизи и труды твоя, богоносный угодниче Христов, о славе Церкви Христовой ревновал еси, благодатию Святаго Духа нищих и убогих защищати наставляяй, научаяй тем люди твоя благодарственно пети Господу: Аллилуиа.
Икос 6
Возсиял еси светом истины земли многострадальней, святче Божий, просвещением народа Божия любовь ко Христу явил еси, милостыню подавати без жалости благословлял еси, подвизаяй тем люди твоя, воспевати Богу:
Радуйся, благочестия христианскаго попечителю;
Радуйся, врага рода человеческаго посрамителю.
Радуйся, притекающих к тебе неустанное окормление;
Радуйся, гонимых за правду Божию отрадное попечение.
Радуйся, сокрытый от тебе рубль в фальшивый преобразивый;
Радуйся, житием твоим многих на стезю покаяния приведый.
Радуйся, щедродательную десницу имевый;
Радуйся, всем острожникам познание Христовой любви чрез щедрое попечение явивый.
Радуйся, святый блаженный Павле Таганрогский, угодниче Христов и молитвенниче предивный.
Кондак 7
Хотя веру Православную в отечестве своем в чистоте утвердити, святый отче наш Павле, теплую молитву ко Господу о ближних возносил еси, заповедь Божию о любви к ним исполняяй, о пище духовней для пасомых чад неотступное попечение имел еси. Мы же обряще вразумления сия, благодарно со слезами вопием Богу: Аллилуиа.
Икос 7
Видяще тя избранника Божия, блаженне отче наш Павле, духовные чада неизменно тя окружали еси, Господа славя, слова твои о Православии, о пастырях достойных святую Евхаристию совершати принимаяй. Мы же вси труды твоя поминающе, непрестанно воспеваем сице:
Радуйся, о служении в алтаре небесных ангелов верным открывый;
Радуйся, правду: недостойный пастырю не должен совершати Евхаристию, утвердивый.
Радуйся, недостойных пастырей связанными в служении познавый;
Радуйся, настойчивою молитвою грехопадения покрывати пред Господем наставлявый.
Радуйся, от споров о вере мирян отвращаеши;
Радуйся, быти добрыми ревнителями Православия благословляеши.
Радуйся, клевету и насмешки от маловерующих понесый;
Радуйся, словами о твоем сектанстве и раскольничестве в праведный гнев облеченный.
Радуйся, святый блаженный Павле Таганрогский, угодниче Христов и молитвенниче предивный.
Кондак 8
Божию милость видим на тебе, отче наш Павле, в христианстем совершенстве от силы в силу восходил еси, дар прозорливости от Господа за великие подвизи приял еси, с усердием заповеди Божий исполняяй. Кто возможет понести труды твоя, яже совершил еси, Господеви поя: Аллилуиа.
Икос 8
Весь всем заступник явился еси, блаженне отче Павле, со святыми во Святей Руси просиявших, подвигами твоими прощение верным испросил еси, на похвалу подвизаяй пети Богу:
Радуйся, добрыми делами Богу угодивый;
Радуйся, даром духовнаго и телеснаго преображения послушницу твою удививый.
Радуйся, ложное подвижничество чрез порванный мешок обличивый;
Радуйся, отсутствие смирения с дырявым мешком сравнивый.
Радуйся, внутренних добродетелей возвышение;
Радуйся, тщеславия твердое уничижение.
Радуйся, стяжанию благодати Божией учителю;
Радуйся, сближению с Богом верных окормителю.
Радуйся, святый блаженный Павле Таганрогский, угодниче Христов и молитвенниче предивный.
Кондак 9
Всякое естество ангельское удивися промыслу милосердия Твоего, Боже наш, яко даровал еси нам толико мудраго наставника, теплаго молитвенника о спасении душ наших пред престолом Твоим, Господи, попечителя. Мы же, обретя сокровища сия, со слезами радости вопием Богу: Аллилуиа.
Икос 9
Всего себе Господу Богу предал еси, святый отче наш Павле, мир Христов посреде людей утверждаяй, козни сатанинские любовию им открываяй, в молитвах долгих себя пред Господом смирял еси. Мы же, благочестивое житие твое зря, с любовию вопием ти:
Радуйся, ангельское и наше непрестанное удивление;
Радуйся, носителю Божия прославления.
Радуйся, щелкание подсолнечных семечек в празднословие вменивый;
Радуйся, от грядущего греха перваго мытарства верных удаливый.
Радуйся, несчастных и бедствующих молитвенный щит и ограждение;
Радуйся, послушнице, утопившей ведро на море, от несчастия избавление.
Радуйся, обвареннаго лица семилетней Анны чудное исцеление;
Радуйся спасительное крестное знамение в соннем видении на нея наложение.
Радуйся, святый блаженный Павле Таганрогский, угодниче Христов и молитвенниче предивный.
Кондак 10
Спастися хотяй всем человекам, положи тя, святый угодниче Божий, в сонме святых новомучеников, исповедников и страстотерпцев во основание храмины Святей Руси, да вси в ней сущия вопиют Богу: Аллилуиа.
Икос 10
Наставниче был еси всем к тебе с верою прибегающим, святче Божий, Ростовския страны щит и ограждение и о чистоте Православней веры славное попечение. Мы же обетованное святыми угодниками духовное возстание Святей Руси в молитвах призываем и в покаянии вопием сице:
Радуйся, пред кончиною подвиг келейной молитвы принявый;
Радуйся, зло житием благочестивым поправый.
Радуйся мощи твои даровавый сердцам нашим во очищение;
Радуйся, Свято-Никольскаго храма града Таганрога предивное украшение.
Радуйся, образе мытарева смирения;
Радуйся, кроткий лик небеснаго прозрения.
Радуйся, сельскому священику благочистивое наставление;
Радуйся, пению церковному умиление.
Радуйся, святый блаженный Павле Таганрогский, угодниче Христов и молитвенниче предивный.
Кондак 11
Пение благоуханное непрестанно Пресвятей Троице и Пречистей Деве Богородице возносяще, всеми помыслами, наставлениями, житием твоим, образом благочестия для послушниц твоих пребыл еси, немощным в укрепление, верным в благословение. Мы же, возлюбивше Бога за таковые милости Его к нам, выну зовем Ему: Аллилуиа
Икос 11
Богоизбранный светильник быв в житии, отче наш Павле, яко светозарное светило возсиял еси, кротость и смирение источаяй, смысл жития в мире дольнем всем жаждущим открывал еси, любовию на узкий путь несения креста направляяй. Тем же поем ти:
Радуйся, в словах: ты будешь великий человек, простому иеромонаху Дамиану тайну Божию открывавый;
Радуйся, будущему Патриарху Иерусалимскому и последнему твоему духовнику предстоящее служение Богу предсказавый.
Радуйся, о посмертии своем: мой куст никогда не будет пуст, сказавый;
Радуйся, на могилу свою всех скорбящих и обремененных призывавый.
Радуйся, с пением ангельским на небеса восшедый;
Радуйся, истину: честна пред Господом смерть преподобных Его, подтвердивый.
Радуйся, отец чадолюбивый, призванный верным во утешение;
Радуйся, величающим и подражающим ти благодатное ограждение.
Радуйся, святый блаженный Павле Таганрогский, угодниче Христов и молитвенниче предивный.
Кондак 12
К тебе любовь Пречистей Девы Богородицы ведущи, блаженне отче Павле, во храме града Таганрога мощи твои благодать Божию источают, нетварным светом в лоно Церкви Христовой призывают, да сподобимся души очищения, да поем тобою благодеющему нам Богу: Аллилуиа.
Икос 12
Поюще житие твое, святый отче наш Павле, Церковь земная воинствующая в наших душах славу небесную утверждает, устами верных чад своих славословием по Святей Руси тебе ублажает, в помощь всецерковнаго покаяния призываяй. Мы же с любовию пред Господом вопием ти:
Радуйся, благодатию Божией чад духовных ограждаеши;
Радуйся, праведным житием, крестным путем ко спасению души верных препровождаеши.
Радуйся, воине Христов, явленный нам в подражание;
Радуйся, молитвенниче теплый, спасительной благодати стяжание.
Радуйся, немощных духовное врачевание;
Радуйся, одиноким предивный собеседниче.
Радуйся, охранителю чад твоих смелый;
Радуйся, небывый человеком в мягки ризы облеченный.
Радуйся, святый блаженный Павле Таганрогский, угодничестве Христов и молитвенниче предивный.
Кондак 13
О предивный угодниче Христов, святый блаженный отче Павле, приими малое сие моление наше в похвалу тебе от народа Божия приносимое. Призри на нас немощных, от Истины разделением удаленных, суетною многозаботливостию отчужденных, теплохладностию и маловерием зараженных, предстоя в небесней славе пред Престолом Царя царствующих, Господа нашего Иисуса Христа, молися о всех нас: проси, проси, святче Божий, да обрящем милосердие Его в день судный, в радости поюще Пресвятей Троице: Аллилуиа.
Сей Кондак читается трижды, а затем Икос 1 и Кондак 1.
