Православный календарь 24 ноября (11 ноября ст.ст.)
Ноябрь 23rd 2021 -
В этот день:
Русская Православная Церковь отмечает память святых:
Мученика Виктора и мц. Стефаниды (II).
Великомученика Мины (304).
Мученика Викентия (304).
Святителя Мартина Милостивого, еп. Турского. (397)
Мученика Драконы Арауракского (IV).
Преподобного Феодора Студита, исп. (826).
Преподобного Антония Нового (864)
Преподобного Варфоломея Младшего Калабрийского (1054).
Мученика Стефана-Уроша III Дечанского (ок. 1336; Серб.).
Святого Стефана Урошича, князя Сербского (XIV).
Блаженного Максима, Христа ради юродивого, Московского чудотворца (1434).
Преподобного Мартирия Зеленецкого (1603).
Преподобной Милицы, царицы Сербской (Серб.).
Преподобного Евфимия Дечанского (XVI в.)
Преподобного Нестора Дечанского (XVI в.)
Священномученика Евгения пресвитера (1937).
Явление Иверской-Мироточивой иконы Божией Матери в Монреале.
Храни вас Господь, Матерь Божия и все святые, их же память мы сегодня отмечаем!
Молитвы:
Тропарь святаго Мины, глас 4.
Яко Безплотным собеседника/ и страстотерпцем единовсельника,/ сошедшеся верою, Мино, восхваляем тя,/ мира мирови испроси/ и душам нашим велия милости.
Кондак великомученика Мины, глас 4
Воинства исхити привременнаго/ и нетленнаго показа тя Небеснаго общника,/ страстотерпче Мино,/ Христос, Бог наш,// Иже мучеников нетленный венец.
Тропарь преподобнаго Феодора Студита, глас 8.
Православия наставниче,/ благочестия учителю и чистоты,/ вселенныя светилъниче,/ монашествующих Богодухновенное удобрение,/ Феодоре премудре,/ ученьми твоими вся просветил еси,/ цевнице духовная,/ моли Христа Бога спастися душам нашим.
Кондак преподобнаго Феодора Студита, глас 2.
Постническое и равноангелъное житие твое/ страдальческими уяснил еси подвиги/ и Ангелом совсельник, Богоблаженне, явился еси, Феодоре./ С ними Христу Богу моляся/ не престай о всех нас.
Кондак мученика Виктора Дамасского, глас 4
Иже славе, Господи и всех Содетелю,/ Ты в мире явил еси украшенных добродетельми страстотерпцы и мученики,/ да омут непобедимую победу.
Блж. Максима, Христа ради юродивого. Тропарь, глас 5.
Наготою телесною и терпением/ обнажил еси вражия коварствия,/ обличая неподобное его деяние,/ зельне стражда солнечный вар/ и нуждныя великия студени,/ мраза и огня не чул еси,/ Божиею помощию покрываемь,/ Максиме премудре,/ о верою творящих память твою честно/ и усердно притекающих к мощем твоим/ моли избавитися от бед/ и падения избежати.
Кондак блаженного Максима, Христа ради юродивого, глас 2
Вышния красоты желая,/ нижния сладости и телесная одеяния в ничтоже вменил еси/ и нестяжание паче суетнаго мира возлюбил еси./ Ангельское житие проходя,/ скончался еси, блаженне Максиме:/ с нимиже Христа моли непрестанно о всех нас.
Прп. Мартирия Зеленецкого. Тропарь, глас 2.
От юности, Богоблаженне, Христа возлюбив,/ отечество оставил еси/ и, всех мирских мятежей уклонився,/ в тихое пристанище пречестныя обители Богоматерни достигл еси;/ отнюдуже уведев непроходную пустыню,/ крестовидною зарею показанную,/ желательне ю обрел еси,/ и, в ней вселився,/ иночествующих собрал еси,/ и сих ученьми своими, яко лествицею восходною на Небо,/ трудолюбие тщался еси возводити к Богу,/ Емуже молися, Богомудре Мартирие,/ даровати душам нашим велию милость.
Кондак преподобного Мартирия Зеленецкого, глас 8
Отечества, преподобие, и всего мирскаго мятежа/ уклонитися возжелел еси,/ и, в пустыню вселився,/ тамо во блаженнем безмолвии жестокое житие показал еси,/ и чада послушания и смирения в нем возрастил еси./ Сего ради, дерзновение стяжав ко Святей Троице,/ еже молитися, Богоблаженне, о нас, чадех своих, ихже собрал еси,/ и о всех правоверных, да зовем ти:/ радуйся, отче Мартирие,/ безмолвия пустыннаго любителю.
Тропарь мученика Стефана-Уроша III, Дечанского, Сербского, глас 4
В терпении добрострадальных подвиг твоих/ многообразный раны претерпел еси,/ и по кончине своей/ венец от Бога с мученическими лики восприемлеши,/ и в земли кротких достойно водворяешися, блаженне,/ о нас Христа Бога моли/ даровати душам нашим велию милость.
Кондак мученика Стефана-Уроша III, Дечанского, Сербского, глас 3
В царех благочестно пожив/ и страдания путь прошед, веледушне,/ и страдальцем равночестен венечник явился еси,/ и церковь твоя прославляет тя славно,/ святыми благоуханными мощми твоими освящаема,/ темже почитаем и тайно вопием ти:/ от бед избави нас молитвами твоими, святе.
Иверской-Мироточивой (Монреальской) иконы Богородицы. Тропарь, глас 1.
От святыя иконы Твоея, / о Владычице Богородице, / миро благодатное источила еси обильно, / верныя Твоя во изгнании сущия утешила еси / и неверныя светом Сына Твоего просветила еси. / Темже и припадаем к Тебе, Госпоже, со слезами: / милостива нам буди в час судный, / да некако толикую милость Твою восприявше, / яко презорливи наказани будем, / но подаждь нам Твоими молитвами плод духовный принести / и спаси души наша.
Pages: 1 2 3
