Канон Введению во храм Пресвятыя Богородицы
Декабрь 3rd 2019 -
Введение во храм Пресвятой Богородицы
Введение в церковь Пресвяты́я Владычицы на́шея Богородицы и Приснодевы Мари́и — один из двунадесятых (от славянского «дванадесять» — двенадцать), то есть самых больших православных праздников, установленный в воспоминание о том, что родители Богородицы торжественно повели Ее в трехлетнем возрасте в Иеросалимский храм, при котором она жила до своего обручения с праведным Иосифом. Праздник Введения во храм Пресвятой Богородицы совершается ежегодно 4 декабря (21 ноября по старому стилю) и имеет 1 день предпразднества и 4 дня попразднества.
Тропарь, глас 4-й
Днесь благоволения Божия проображение, и человеча спасения проповедание, в церкви Божии ясно Девая является, и Христа всем благовествует. Той и мы велегласно возопием, радуися смотрения Зиждителева исполнение.
Песнь 1. Ирмос
Отверзу уста моя, и наполнятся Духа, и слово отрыгну Царице Матери, и явлюся светло торжествуя, и воспою радуяся тоя чудеса.
Запев: Пресвятая Госпоже Богородице, услыши молитву раб Своих, молящихся Тебе (поклон).
Премудрости Пречистая, Тя сокровище ведущи, и благодать точащу струю присно текущую. Разумныя прошу Ти капли. Одожди Владычице воспевати Тя присно.
Запев. Превышьши Пречистая небес бывши, церковь и полата, в храм Божии возложися. Тому уготоватися в странное жилище пришествия Его.
Слава. Свет восиявши Богородица благодати, вся просвещающии. Совокупи пресветлое Ея украсити торжество песньми, к Ней стецемся.
И ныне. Дверь славная, помыслы не проходима, двери отверзши храма Божия, ныне повелевает нам вшедшим, божественых Ея чудес насладитися.
Катавасия: Спаси от бед рабы Своя, Богородице Дево, яко вси по Бозе к Тебе прибегаем, яко к нерушимей стене и заступлению (поклон). Господи помилуй (3 раза с поклонами).
Песнь 3. Ирмос
Твоя певцы Богородице, живыи нетления Источниче, лик себе совокупльши духовен, утверди в божественей Ти славе, и венцем славы сподоби.
Запев. Невестокраситель днесь явися, красныи Девыя храм и чертог, приемлет одушевленныи чертог Божии, Чистую, и Непорочную, и светлейшую всея твари.
Запев. Давыд предначинает ликование, играет и ликовствует с нами, и Царицу зовет Тя украшену Пречистая, предстоящу честно в церкви Царя и Бога.
Слава. Из нея же преступление произыде древле роду человеческому, из Тоя исправление и нетление грядет. Богородица днесь приводима в Дом Божии.
И ныне. Играют Ангельская воинства, и всех человек множество. И пред лицем Пречистая предтекут Ти днесь, свещи носяще зовут величествия Твоя в Дому Божии. Катавасия.
Слава, и ныне. Седален, глас 4-й. Непорочная Агница и нескверныи Чертог, в Дом Божии Богородица Мариам с веселием вводится преславно. Юже Ангели Божии дароносяще, и вси вернии ублажают присно. И благодарьствено поют Ея непрестанно велегласно, наша слава, и спасение Ты еси Пренепорочная.
Песнь 4. Ирмос
Неизследному Божию совету, еже от Девы воплощение Тебе Вышняго, пророк Аввакум дивяся вопияше, слава силе Твоей Господи.
Запев. Дверь непроходимую Божии Дом приемля днесь, устави все служение законное. Яко воистинну явися зовыи сущим, иже на земли истина.
Запев. Гора осеняемая, юже провидев древле Аввакум, проповеда внутрь вместившуся в незаходимых храма добродетели процветши, и покрывает концы.
Слава. Видевши преславная вся земля, странныя же и дивныя вещи, како Девая от Ангела пищу приемлющи, и образы смотрения приемлет.
И ныне. Церковь и полата, и небо одушевленное явльшися Богоневестная царева, в церковь законную приводима днесь, тому соблюдаема Пречистая. Катавасия.
Песнь 5. Ирмос
Удивишася всяческая о божественей славе Твоей. Ты бо браконеискусимая Девице прият во утробе надо всеми Бога, и родила еси безлетнаго Сына, всем воспевающим Тя мир подавающа.
Запев. Освящение славное, и священное приношение днесь пречистая Дево возложися в церковь Божию, всех Цареви и Богу нашему, Единому в жилище соблюдаема, яко же весть Сам.
Запев. Доброту Пречистая души Твоея зря некогда, верою Захариа возопи, Ты еси избавление. Ты еси всех радость. Ты еси воздвижение наше: Ею же Невместимыи вмещаемь является.
Слава. О, выше ума чудес Твоих Пречистая, странное Твое рожество суще. Странен образ иже возвращения Твоего. Странна и преславна Твоя Богоневесто вся, и человеком несказанна.
И ныне. Свещник многосветлыи сущи Богоневестная, днесь восиявши в Дому Господни. И озаряеши нас честными даровании Чистая, Тебе одарившаго Богородице препетая. Катавасия.
Песнь 6. Ирмос
Божественое се и всечестное совершающе празднество богомудрении Божия Матере, приидите руками восплещем от Нея Рождьшагося верою славяще.
Запев. Всяческая носяи глаголом, молитвы праведных услыша. Тем же неплодней разреши болезнь, яко благоутробен, радости виновную сим дарует.
Запев. Сказати хотя Господь языком его спасение, неискусобрачную ныне от человек взят, примирения знамения и обновления.
Слава. Яко Дом сущи благодати, в нем же сокровища лежат неизреченнаго Божия смотрения, Пречистая в церкви причастися, нетленныя пищи.
И ныне. Увязение Тя царское, приемши церкви Богоневестная, и просвещашеся, и поступаше большими, предреченных зря на Тебе сбытие. Катавасия.
Слава, и ныне. Кондак, глас 4-й. Пречистая церкви Спасова, многочестныи чертог Девица, священное сокровище славы Божия, днесь вводится в Дом Господень, благодать совводящи Духом Божественым. Юже поют Ангели Божии, Та есть сень небесная.
Икос. Неизреченных Божиих, и божественых таин, зря в Девей благодать являемую, исполняему явствено, радуюся. И образ разумети недоумеюся, странныи и неизреченныи, како избранная Чистая, Едина явися паче всея твари видимыя и разумеваемыя. Темже восхвалити хощу Сию, удивляюся зело, умом же и словом, обаче дерзаю и проповедаю и величаю, Та есть сень небесная.
Песнь 7. Ирмос
Непослужиша твари богомудрении паче Зиждителя, но огненное прещение мужески поправше радовахуся поюще, препетыи иже отцем Господь и Бог благословен еси.
Запев. Се днесь восия концем весна радостная, просвещая наша душа и помышления, и ум благодатию, торжество Богородице днесь тайно спраздновати.
Запев. Дары да носят днесь всяческая Царице и Матери Божии, небо и земля и Ангельстии чинове, и земленых множество. И да вопиют в церкви, предгрядет радость и избавление.
Слава. Писание мимо тече, и исчезе закон яко же сень, и благодатныя зари восияша, в церковь Божию вшедши Тебе Дево Мати чистая, в ней благословеная.
И ныне. Повинуся рожеству Твоему Пречистая, яко Творцу и Богу, небо и земля и преисподняя. И всяк язык земленых исповедает, яко Господь явися Спас душам нашим. Катавасия.
Песнь 8. Ирмос
Слыши Отроковице Девице чистая, да речет убо Гавриил совет Вышняго древле истинныи. Буди на приятие готова Богу, Тобою бо невместимыи с человеки пожил есть. Тем и радуяся вопию, да благословите вся дела Господня Господа, и превозносите Его во веки.
Запев. Пречистую церковь в Дом Божии, приводящи Анна древле, и вопиющи с верою рече ко священнику. Чадо от Бога даное мне, прием ныне введи в церковь Зиждителя Своего, и радуяся пой Ему, благословите вся дела Господня Господа и превозносите Его во веки.
Запев. Рече видев ко Анне древле Духом Захария, Животу Матерь вводиши истинную, Юже светло пророцы Божии Богородицу проповедаша, и како церковь вместит Ю; темже чудесно вопию, благословите вся дела Господня Господа, и превозносите Его во веки.
Запев. Раба Божия бых аз, отвеща Анна ему, призывающи сего верою и молитвою, прияти моея болезни Плод. По приятию же рожденную привести Давшему Ю. Сего ради зову Ему, благословите вся дела Господня Господа, и превозносите Его во веки.
Запев. Законно воистину дело есть, священник рече ей. Странну же всяческую вещь разумею, зря приводимую в Дом Божии, преславно превосходяшу святая благодатию. Тем же и радуяся вопию, благословите вся дела Господня Господа, и превозносите Его во веки.
Слава. Возмогаю рече Анна ему, внушающи яже глаголеши. Разумех бо сия Духом Божиим, и ясно яже о Деве проповеда. Приемли убо Пречистую в церковь Создателя своего, и радуяся зови Ему, благословите вся дела Господня Господа, и превозносите Его во веки.
И ныне. Светоносна нам вжегшися свеща, возопи священник, радость велику светящи во храме. Души пророческия срадуйтеся мне, яко преславная зряще совершаема в Дому Божии. И возопийте присно, благословите вся дела Господня Господа, и превозносите Его во веки. Катавасия.
Песнь 9. Ирмос
Яко одушевленем Божии киоте, да не коснется никако же рука неверна. Уста же верных Богородице немолчно глас Ангелов воспевают, радостию вопиюще, радуися Обрадованная Господь с Тобою.
Запев с поклоном. Яко пресветлую Богородице чистая, души чистоты имущи доброту, благодатию Божиею исполняема с Небесе, светом присносущным просвещаеши всегда, с веселием вопиющих, воистину вышьши всех еси Дево чистая.
Запев. Прелетает Богородице чистая, чудо Твое силою словес. Тело бо в Тебе разумею паче слова, течения греховнаго неприятно. Тем же благодарьствено вопию Ти, воистину больши всех еси Дево чистая.
Запев: Преславно прообразоваше Чистая закона Тя сень, и божественая ручка, дивныи ковчег, и катапетазма и жезл. Церковь неразрушиму, и дверь Божию, темже научают Тебе звати, воистину вышьши всех еси Дево чистая.
Запев. Поя Тебе провозглашаше Давыд, дщерь Тя глаголя Цареву, красотою добродетелей, одесную предстоящу Бога. Видев Тя преиспещрену. Тем же пророчествуя вопияше, воистину больши всех еси Дево чистая.
Слава. Богоприятну предзря Соломон, проповеда Тя одр Царев. Живыи Источник запечатлен Богородице. Из него же немутная нам произыде вода, верою вопиющим. Воистину вышши еси всех Дево чистая.
И ныне. Подаеши даровании Твоих, тишину Богородице душам нашим, точащи живот Тебе чтущим подолгу. Ты заступаеши, и спасаеши, и покрываеши, и соблюдаеши вопити Ти, радуися спасению вина роду нашему. Катавасия.
Задостойник: Величай душе моя, приведенную в церковь Господню и благословенную рукама иереовыма.
Ангели Введение Пречистыя зряще удивишася како Девая входит во Святая Святых.
Яко одушевленем Божии киоте, да не коснется никако же рука неверных. Уста же верных Богородице немолчно глас Ангелов воспевают, радостию вопиюще, радуися Обрадованная Господь с Тобою. (Земной поклон).
Отпуст: Господи Исусе Христе Сыне Божии, молитв ради пречистыя Твоея Матере, честнаго и славнаго Ея Введения, и всех святых, помилуй и спаси нас, яко Благ и Человеколюбец. Аминь.
Краткое объяснение терминов и сокращений, относящихся к канонам и молитвам
Все каноны в разделе изложены применительно к домашней молитве без священника, а поэтому не публикуется текст Евангелия и других молитв священника.
Слава — где написано «Слава», то нужно читать: слава Отцу и Сыну и Святому Духу.
И ныне — где написано «И ныне», то нужно читать: и ныне и присно и во́ веки веко́м, аминь.
Поклон — всегда, когда в скобках указано «поклон», то полагаем на себя крестное знамение и совершаем наклонение головы до уровня пояса.
Тропарь — особая песнь, читаемая перед каноном, которая в кратких словах содержит или хвалу святому, или раскрывает величие и образ его духовного состояния, или сжатое описание его жития.
Кондак — читается по 6-й песне канона и содержит краткую похвалу святому или краткое повествование о священном событии праздника.
Икос — особое песнопение после кондака, кратко характеризующее праздник или святого.
Седален — читается по 3-й песне канона и содержит краткую похвалу святому или празднику.
Ирмос — в каждой песне канона первый стих, который поется особым напевом. По содержанию раскрывает различные моменты Ветхозаветной Церковной истории, а также умилительные прошения к Вседержителю и святым.
Запев — перед каждым стихом в песне канона краткое молитвенное обращение к тому святому, которому читается канон. Например: «Преподобне отче Сергие, моли Бога о нас». Где в канонах написано: «Запев», то нужно читать слова запева, помещенные после ирмоса первой песни.
Богородичен — в каждом каноне последний стих каждой песни канона посвящен Богородице. В некоторых канонах Спасителю тоже имеется «Богородичен».
Катавасия — в молебных канонах поется после каждой песни, как усиленная молитва-прошение к святому, которому читается канон.
Задостоиник — после 9-й песни канона молитва к Пресвятой Богородице с прошением принять наше духовное делание.
Метки: Богородица, Введение во храм
