Православный календарь 15 августа (2 августа ст.ст.)
Август 14th 2021 -
В этот день:
Насыщение пяти тысяч
Русская Православная Церковь отмечает память святых:
Первомученика иархидиакона Стефана (ок. 34)
Священномученика Стефана, папы Римского (257)
Мучеников Максима, Дады и Квинтилиана в Доростол (285; Греч.).
Праведного Василия Блаженного, Христа ради юродивого (1557)
Св. Марка Белавинского (1630; Вологда).
Память блаженного Василия Спасо-Кубенского (XV)
Преподобномученика Платона (Колегова) (1937).
Анчирская икона Божией Матери
Храни вас Господь, Матерь Божия и все святые, их же память мы сегодня отмечаем
Молитвы:
Тропарь блаженного Василия, Христа ради юродивого глас 8
Житие твое, Василие, неложное, и чистота нескверна,/ Христа ради тело твое изнурил еси постом и бдением,/ и мразом и теплотою солнечною,/ и слотою и дождевным облаком,/ и просветися лице твое, яко солнце,/ и ныне приходят к тебе Российстии народи и вси людие,/ прославляюще святое твое успение./ Тем Христа Бога моли,/ да избавит ны от варварскаго пленения и междоусобныя брани/ и мир мирови подаст и душам нашим велию милость.
Ина служба блаженного Василия. Тропарь глас 1
Плоть удручившу ти злостраданием,/ душу же просветившу чистотою сердца,/ обогатился еси благодатию Пресвятаго Духа, Василие,/ даровати требующим полезная./ Сего ради недужнии, притекающе к цельбоподательному твоему гробу, премудроюроде,/ независтно приемлют болезней отложение/ и благодарственно воспевают прославльшаго тя,/ Единаго Человеколюбца.
Ин тропарь блаженного Василия, Христа ради юродивого глас 8
Якоже бо солнце и луна наготою своею не срамляются,/ тако и ты, угодниче Христов Василие, наг сый, не срамляшеся,/ восприят бо ризу Адама первозданнаго,/ юже он ношаше прежде в рай,/ ты же сию на земли поносил еси;/ и был еси добрый купец:/ елико имеяше, вся остави/ и купи мздою терпения своего село,/ на немже сокровен безценный Бисер, Христос./ Сего ради явися всем грешным образ покаяния/ и вселися в райскую широту,/ и, предстоя Христови,/ не забуди град, в немже обита, и люди, преблаженне,/ и моли спасти души наша.
Кондак блаженного Василия, Христа ради юродивого глас 4
Духом Божиим водим, преблаженне Василие,/ оттрясл еси мирский мятеж,/ и жития треволнения возгнушался еси,/ и, совлекся одеяний тленных и облекся в ризу безстрастия,/ убежал еси ловления льстиваго миродержца,/ и был еси странен во твоем языце,/ и, паче земнаго богатства избрав богатство Небесное,/ увязлся еси венцем терпения./ И ныне, преблаженне Василие, моли Христа Бога/ о творящих святую память твою, да зовем ти:/ радуйся, преблаженне Василие.
Ина служба блаженного Василия. Кондак глас 4
Явил тя есть Господь нынешнему роду/ исцелителя болезнем и прогонителя недугом/ любовию, Василие, притекающим к тебе/ и призывающим верою молитвы твоя.
Тропарь первомученика и архидиакона Стефана глас 4
Царским венцем венчася/ твой верх от страданий,/ ямсе претерпел еси по Христе Бозе,/ мучеников первострадальче Стефане,/ ты бо, иудейское обличивый неистовство,/ видел еси твоего Спаса одесную Отца:/ Того убо моли о душах наших.
Ин тропарь первомученика и архидиакона Стефана глас 3
Апостолом совсельник/ и страстотерпцем первострадалец,/ Христов служитель, прехвальне Стефане,/ первее бо совершив мучения течение,/ безчисленныя роды человек равно Подвигоположнику Христу приведе./ Темже яко апостола и страдальца верховнаго/ чтуще тя, молим:/ моли Христа Бога/ даровати нам велию милость.
Кондак первомученика и архидиакона Стефана глас 6
Первый сеялся еси на земли Небесным делателем,/ всехвальне Стефане,/ первый на земли за Христа кровь излиял еси, блаженне,/ первый от Него победы венцем увязлся еси на Небесех,/ страдальцев начало,/ венечниче, мучеников первострадальне.
Pages: 1 2 3
