Православный календарь 24 февраля (11 февраля ст.ст.)
Февраль 23rd 2021 -
В этот день:
Русская Православная Церковь отмечает память святых:
Пророка Захария Праведного
Священомученика Власия, еп. Севастийского (ок. 316)
Преподобной Гобнеты, игумения Корская (VI; Кельт. и Брит.).
Преподобногог Кедмона Уитбийского,монаха, поэта (680; Кельт. и Брит.)
Преподобного Ведедикт Аниэнский (821; Галл.).
Праведной Феодоры, царицы греческой (867)
Благоверного кн. Всеволода, во св. Крещении Гавриила, Псковского (1138)
Преподобного Димитрия Прилуцкого, Вологодского (1392)
Мученика Георгия, игумена Кратовского, Сербского (1515)
Храни вас Господь, Матерь Божия и все святые, их же память мы сегодня отмечаем!
Молитвы:
Прп. Димитрия Прилуцкого, Вологодского. Тропарь, глас 1.
Свыше от Бога, преподобне,/ благодать приял еси духовную,/ и от Него убо познался еси, блаженне,/ того ради и ты духом познал еси лучшая Его,/ будущаго века пребывание,/ и постнически испытався во своих обителех./ И ныне со ангели ликовствуя,/ Спасу всех за ны молися, святе Димитрие, да вси вопием:/ Слава Давшему ти крепость,/ слава Венчавшему тя,/ слава Действующему тобою всем исцеления.
Прп. Димитрия Прилуцкого, Вологодского. Ин кондак, глас 3.
Жезлом, святе Димитрие, от Бога данным ти,/ люди своя упасе на пажитех закона живоносна,/ зверя же невидимаго шатание сокруши под нозе тебе поющих,/ яко да в бедах тя тепла предстателя имамы.
Прп. Димитрия Прилуцкого, Вологодского. Кондак, глас 8.
От юности, преподобие, крест твой взем, Христу последовал еси,/ в молитвах и пощениих, во бдениих же и злостраданиих плоть твою изнуряя;/ темже и Всевидящее Око, твоя труды видев,/ чудесы тя прославляет и всех звати тебе научает:/ радуйся, преподобие отче Димитрие, постников удобрение.
Сщмч. Власия. Тропарь, глас 4.
И нравом причастник,/ и престолом наместник Апостолом быв,/ деяния обрел еси, Богодохновенне,/ в видения восход,/ сего ради слово истины исправляя,/ и веры ради пострадал еси даже до крове,/ священномучениче Власие./ Моли Христа Бога/ спастися душам нашим.
Сщмч. Власия. Кондак, глас 2.
Божественное прозябение, цвет неувядаемый,/ лозы Христовы розго многострадальная, Богоносе Власие,/ верою чтущия память твою веселия твоего исполни,/ моляся непрестанно о всех нас.
Сщмч. Власия. Кондак, глас 8.
Священия помазанием и мучения кровию украсился еси, славне Власие,/ и сияеши всюду, в Вышних ликуя/ и нас назирая, в храм твой пришедшия/и в нем тебе непрестанно зовущия:/ всех нас соблюди.
Блгв. кн. Всеволода, во св. Крещении Гавриила. Тропарь, глас 4.
Из млада явился еси, Богомудре княже Гаврииле,/ Божественный сосуд, избран Богови,/ благочестием воспитан, веру непорочну соблюд/ и многи святыя церкви устроив,/ изгнание претерпел еси от своих,/ якоже и целомудрии прародители твой от брата убиение./ С нимиже предстоя Святей Троице,/ молися, стране нашей сохраненной быти/ и всем нам спастися.
Блгв. кн. Всеволода, во св. Крещении Гавриила. Кондак, глас 8.
Многомудренно преселився во град Псков, блаженне княже Гаврииле,/ плод благий Богови в жизни сей был еси,/ присноцветущ добродетельми и, якоже Давид, незлобием./ Того ради получил еси жизнь вечную на Небесех,/ всегда зря Святую Троицу./ Моли избавитися нам от всяких бед, да зовем ти:/ радуйся, утверждение граду нашему.
Прп. Георгия, игумена Кратовского. Тропарь, глас 4.
В терпении многоискуснем, блаженне мучениче Георгие,/ огнеискусную смерть претерпел еси/ и по кончине твоей венец от Христа нетленный/ с мученическими лики приял еси./ И ньше, на земли кротких достойно водворялся,/ Христа Бога о нас непрестанно моли,/ иже верою покланяющихся раце мощей твоих.
Прп. Георгия, игумена Кратовского. Кондак, глас 2.
Вышния славы желая, многострадальне Георгие,/ агарянскую прелесть поплевав, попрал еси/ и победы венец приял еси,/ Ангелом ныне свеселяся и мучеником соводворяяся,/ с нимиже Христу Богу молися непрестанно о всех нас.
