Молитвы Пресвятей Богородице ради Измаильского ея Ея образа «Благоуханный цвет»
Ноябрь 27th 2013 -
Молитвы Пресвятей Богородице ради Измаильского ея Ея образа «Благоуханный цвет»
Тропарь
Пред чудотворным образом Твоим, Владычице обильно подаются благодатные дарования молитв наших исполнение, болезней исцеление от всех бед и скорбей избавление.
О Царице Всепетая! Услышь и наши молитвы с верою теплою Тебе возносимые, прими: Ризой своей покрой нас от всякого зла, от враг видимых и невидимых, защити и спаси, Пречистая, души наша
Кондак
Прими о Пречистая, похвалы Тебе возносимые, и молитвы наша услыши, с верою пред Образом Твоим приносимые, и всей жизни и будущей непрестанем спасении Тобою пети: Радуйся Мати Божия, Цвете Благоуханный!
Величание
Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.
Молитва 1
О Пресвятая Госпоже Владычице Богородице! Вышши еси всех ангел и архангел, и всея твари честнейшая, помощница еси обидемых, ненадеющихся надеяние, убогих заступнице, печальных утешение, алчущих кормительнице, нагих одеяние, больных исцеление, грешных спасение, христиан всех поможение и заступление! О Всемилостивая Госпоже, Дево Богородице Владычице, милостию Твоею спаси и помилуй богохранимую страну нашу, власти и воинство ея, и вся православные христианы, ризою Твоею честною защити: и умоли, Госпоже, из Тебе без семене воплотившегося Христа Бога нашего, да препояшет нас силою Своею свыше на невидимые и видимые враги наша. О Всемилостивая Госпоже, Влыдычице Богородице, воздвигни нас из глубины греховныя и избави нас от глада, губительства, от труса и потопа, от огня и меча, от нахождения иноплеменных и междоусобныя брани, и от напрасныя смерти, и от нападения вражия, и от тлетворных ветр, и от смертоносныя язвы, и от всякого зла. Подаждь, Госпоже, мир и здравие рабом Твоим, всем православным христианам, и просвети им ум и очи сердечнии, еже ко спасению: и сподоби ны, грешныя рабы Твоя, царствия Сына Твоего, Христа Бога нашего: яко держава Его благословенна, и препрославлена, со Безначальным Его Отцем, и с Пресвятым, и Благим, и Животворящим Его Духом, ныне и присно, и во веки веков, Аминь.
Молитва 2
О, Пресвятая Дево – Мати Господа, Царице небесе и земли, вонми многоболезному воздыханию душ наших, призри с высоты святыя Твоея на нас с верою и любовью поклоняющихся пречистому образу Твоему, се бо грехми погружаемии и скорбми обуреваемии, взирая на Твой образ, яко живей Ти, сущей с нами, приносим смиренныя моления наша. Не имамы бо ни иныя помощи, ни инаго предстательства, ни утешения, токмо Тебе, о Мати всех скобящих и обремененных. Помози нам, немощным, утоли скорбь нашу, настави на путь правый нас заблуждающих, уврачуй и спаси безнадежных, даруй нам прочее время живота нашего в мире и тишине проводити. Подаждь христианскую кончину и на Страшнем Суде Сына Твоего явися нам милосердая Заступница, да всегда поем, величаем и славим Тя, яко благую заступницу рода христианскаго со всеми угодившими Богу. Аминь.
Метки: Богородица
