Молитва Пресвятѣй Богородицѣ явленія ради чудотворныя Ея иконы Казанскія
Июнь 11th 2011 -
Молитва Пресвятѣй Богородицѣ явленія ради чудотворныя Ея иконы Казанскія
О, Пресвятая Госпоже Владычице Богородице! со страхомъ, вѣрою и любовію припа́дающе предъ честно́ю иконою Твоею, молимъ Тя: не отврати лица Твоего отъ прибѣгающихъ къ Тебѣ, умоли, милосердая Мати, Сына Твоего и Бога нашего, Господа Іисуса Христа, да сохранитъ мирну страну нашу, да утвердитъ державу благочестивѣйшаго, самодержавнѣйшаго, великаго государя нашего, и м п е р а т о р а (имя рекъ),1 Церковь Свою святую да непозыблему соблюдетъ отъ невѣрія, ересей и раскола.
Не и́мамы бо иныя помощи, не и́мамы иныя надежды, развѣ Тебе, Пречистая Дѣво: Ты еси всесильная Христіанъ Помощница и Заступница. Избави всѣхъ съ вѣрою Тебѣ молящихся отъ паденій грѣховныхъ, отъ навѣта злыхъ человѣкъ, отъ всякихъ искушеній, скорбей, бѣдъ и отъ напрасныя смерти: да́руй намъ духъ сокрушенія, смиреніе сердца, чистоту помышленій, исправленіе грѣховныя жизни и оставленіе прегрѣшеній, да вси благодарнѣ воспѣвающе величія Твоя, сподобимся Небеснаго Царствія и тамо со всѣми Святыми прославимъ пречестно́е и великолѣпое имя Отца и Сына и Святаго Духа. Аминь.
Примѣчанія:
1 Въ соврем. изд.: …да сохранитъ мирну страну нашу, да утвердитъ Церковь Свою святую, да непозыблему соблюдетъ ю отъ невѣрія…
Источникъ: Акаѳистъ Пресвятѣй Богородицѣ явленія ради чудотворныя Ея иконы, именуемыя Казанскія. Съ изображеніемъ. — СПб., 1901. — 48 с.
