Похвала преподобному отцу нашему князю Иоасафу
Сентябрь 22nd 2012 -
Радуйся, церьковная похвало и украшение! Радуйся, аггеломъ сопричастниче и бесомъ прогонитель! Радуйся, кладезю животныя воды врачевания, нань же Христова благодать прииде к намъ, и тобою Господь Богъ возвеличи градъ нашъ паче древняя самаряныни!
Радуйся, истинне проповедниче и добродетелемъ наставниче!
Радуйся, милостыни учитель, злонравию обличитель!
Радуйся, прекрасный крине, любовнымъ взоромъ всех к Христу великий!
Радуйся, небесный гражданинъ, и аггельскимъ житиемъ украшенъ сый!
Радуйся, твердое основание граду нашему, и от нахождения видимых и невидимых врагь тепле заступая насъ!
Радуйся, дияволю гордыню и бесов его постомъ и молитвами победихъ, и своя чада иноки поучая всегда въ молитве не унывати!
Радуйся, иже великомученикомъ Христовымъ подобяся: они бо Христа ради кровь свою пролияша и мучения венцем увязошася от Вседержителныя руки Владыки Христа, ты же самоволнымъ хогениемъ мучением плоть свою Христа ради унуди постом и труды и всякими добродетелми, и со преподобными причтися, яже намъ ныне божественая чюдеса твоя сами вопиют!
И паки возвратимся на похвалу преподобнаго и возмемъ мы слово о житии блаженънаго, сице рекуще:
Радуйся, пастырю нашъ добрый, полагая душу свою в молитвах к Спасу Христу за христоименитое свое стадо малое!
Радуйся, целомудреное сокровище чистоты, кроме плотскаго всякаго похотбния!
Радуйся, умъ свой к Богу имея, сердце свое пригвождая в молитвах день и нощь!
Радуйся, болящимъ врачю и скорый посетитель, сиротамъ же и нищим и странным и безкровным тихое пристанище!
Радуйся, сущим в бедах скорый помощниче и печальным утешение!
Радуйся, иже токмо именем своим бесы прогоняя от верных!
О, нашъ заступникъ и помощник во всем!
О, Иасафе, весь еси нашъ сладость и желание, и любовь ненасытимая, воистинну доброта неизреченная, твоими молитвами и насъ сподоби наслаждатися Владычня красоты и душевныма очима видети яже уготова Богъ любящим Его, идеже преиде от силы в силу, и от благодати в благодать, и от памяти в память л. я вечную, от нынешняго мятежа в будущую нескончаемую радость и веселие. Нам же сие дерзостно есть рещи: яков же гроздъ в листвии по обрании оставленый ученикомъ открыся!
О, чюдотворче! На него же упова, Христа Бога, Спаса нашего, и о насъ Того моли, не престай, подати отпущение прегрешением нашим и милость в день праведнаго Его Страшного суда, и избавитися намъ вечныя муки, и достигнути праведных жизни, л. 58 иже конца не имущия, иже верою и лю бовию пречестную па-об' мять твою творящих, и деснаго стояния сподобитися о Христе Исусе Господе нашемъ, Ему же всегда слава и держава, купно со безначальнымъ Его Отцемъ и с Пречистым и благимъ и единосущнымъ и животворящим Духомъ ныне и присно и во въки векомъ аминь.
Pages: 1 2
